नक्सल प्रभावित क्षेत्र मन म सड़क निर्माण के जिम्मा स्थानीय युवक मन ल देहे जाय : श्री भूपेश बघेल

रायपुर, मुख्यमंत्री श्री भूपेश बघेल ह आज इहां महानदी भवन (मंत्रालय) म लोक निर्माण विभाग के समीक्षा बैठक लीन। ए अवसर म उमन कहिन कि- युवा मन ल रोजगार देना राज्य सरकार के प्राथमिकता हे, विशेषकर नक्सलवाद ले मुकाबला बर स्थानीय युवक मन ल काम देना जरूरी हे। एखर बर बस्तर संग आन नक्सल प्रभावित क्षेत्र मन म सड़क मन के निर्माण काम के जिम्मा उहां के स्थानीय युवक मन ल ही देहे जाय। उहां के प्रस्तावित अउ निर्माणाधीन सड़क मन ल छोटे-छोटे हिस्सा म बांटके ओ क्षेत्र के युवक मन ल या ऊंखर समूह ल बनाए के काम दे जाय। संगेच पैंच वर्क या मरम्मत काम घलोक ओ मन ल ही सौंपे जाय। एकर निरीक्षण विभाग के अभियंता अउ आन तकनीकी अधिकारी मन कोति ले करे जाए। एखर से स्थानीय युवक मन ल स्वरोजगार मिलही, उंखर आय बाढ़ही अऊ ओ मन मुख्यधारा ले जुड़हीं। मुख्यमंत्री ह विभागीय अधिकारी मन ल नक्सल प्रभावित क्षेत्र मन म निर्माण बर निरधारित शर्त म जरूरी संशोधन के प्रस्ताव तैयार करे के निर्देश दीन।