रायपुर, मुख्यमंत्री श्री भूपेश बघेल ह आज जांजगीर-चांपा जिला के विकासखण्ड नवागढ़ के ग्राम अमोरा (महंत) म आयोजित चौपाल कार्यक्रम म हितग्राहीमूलक योजना मन के तहत हितग्राही मन ल ट्रेक्टर, मोटराइज्ड ट्रायसाकल, कृषि ऋण चेक प्रदान कर के राज्य के विकास म सहभागी बने के आग्रह करिन। मुख्यमंत्री श्री बघेल ह ग्राम भिलौनी के श्री बबलू लहरे अऊ श्री देवकुमार लहरे ल 8 लाख अउ 40 हजार रूपिया के ट्रेक्टर ट्राली के चाबी प्रदान करिन। अइसनहे मुख्यमंत्री श्री बघेल छोटे व्यवसाय योजना के तहत ग्राम रसौटा के श्री प्रयाग कुमार अउ ग्राम भड़ेसर के श्री सत्येन्द्र आनंद ल 3-3 लाख रूपिया के चेक प्रदान करके उंखर उत्साहवर्धन करिन अऊ राशि के उपयोग व्यसाय म ही करे के समझाईस दीन।
कार्यक्रम म मुख्यमंत्री श्री बघेल ह ऋण माफी योजना के तहत श्री शिवकुमार के एक लाख 31 हजार 615 रूपिया, श्री मूर्तिसिंह के एक लाख 7 हजार 758 रूपिया अऊ श्री भरतलाल के 54 हजार 986 रूपिया के ऋण माफी के प्रमाण पत्र प्रदान करिन। कार्यक्रम म उमन श्रीमती जगबाई ल 16 हजार 500 रूपिया, श्री मंगलू ल 80 हजार रूपिया अऊ श्री शांतिकुमार ल 36 हजार 600 रूपिया के कृषि ऋण राशि के चेक प्रदान करिन। मुख्यमंत्री श्री बघेल ह श्री परदेशी, श्री विनय, श्री राधेश्याम, श्री गोकूल सिंह अऊ श्री कार्तिकराम वन अधिकार पत्रक प्रदान करके ऊंखर खुशहाली बर कामना करिन। इही कड़ी म मछली पालन काम ले जुड़े श्री कलीराम, श्री अश्वनी प्रसाद अऊ श्रीमती गौरीकेंवट ल 18 हजार रूपिया के लागत के राशि के जाल अऊ आइसबाक्स प्रदान करके ओ मन ल प्रोत्साहित करिन।
मुख्यमंत्री श्री बघेल ह श्रम विभाग के योजना मन के तहत मुख्यमंत्री कौशल विकास अउ कुटुंब सशक्तिकरण योजना के तहत श्री नंदकुमार साहू, श्री प्रदीप कुमार धीवर, लवकुमार कुम्हार अउ रामकुमार नायक ल चेक प्रदान करिन। अइसनहे 5 हितग्राही मन ल मुख्यमंत्री ई-रिक्शा सहायता के तहत ई-रिक्शा के चाबी, बाड़ी विकास योजना के तहत 10 हितग्राही मन ल जिला खनिज न्यास निधि ले उन्नत प्रजाति के सब्जी बीज अऊ फलदार पौधा, समाज कल्याण विभाग के योजना मन के तहत दिव्यांग श्री महेशराम श्री गौतम साहू, श्री गौतम साहू, सुश्री दीपिका, लल्लूराम, श्री श्रवण कुमार भानू अऊ श्री मिथिलेश सिंह ल मोटराइज्ड ट्रायसायकल प्रदान करके उंखर उत्साहवर्धन करिन। अइसनहे मुख्यमंत्री श्री बघेल ह श्री पोषण ल निःशक्त शिक्षा प्रोत्साहन योजना के तहत 6 हजार रूपिया के चेक प्रदान करके सम्मानित करिन।
श्री बघेल ह चौपाल कार्यक्रम म प्राथमिक शाला के 7 पढ़ईया लईका मन ल गणवेश अउ 7 पढ़ईया लईका मन ल पाठ्यपुस्तक प्रदान करके स्कूल चालू होतेच नियमित स्कूल जाय अऊ मन लगाके पढ़ाई करे के समझाईस दीन मुख्यमंत्री श्री बघेल ह लोक सेवा गारंटी अधिनियम के तहत 9 हितग्राही मन ल अस्थायी जाति प्रमाण पत्र अउ निवास प्रमाण पत्र अऊ कृषि विभाग योजना के तहत 3 हितग्राही मन ल उन्नत प्रजाति के उड़द मिनी किट अउ सिंचाई बर 3 हितग्राही मन ल स्प्रेयर पंप प्रदान करके ओ मन ल गौरवान्वित करिन। ए अवसर म जिला के प्रभारी मंत्री श्री प्रेमसाय सिंह टेकाम, चन्द्रपुर क्षेत्र के विधायक श्री रामकुमार यादव, पूर्व विधायक श्री मोतीलाल देवांगन, श्री चुन्नीलाल साहू, महंत रामसुंदर दास, रायपुर संभाग के कमिश्नर श्री बी.एल. बंजारे, कलेक्टर श्री जे.पी. पाठक संग बड़ संख्या म ग्रामीण जन उपस्थित रहिन। कार्यक्रम के संचालन श्री सतीश सिंह ह करिन।
