- सबो जिला मन म खुलही सिकलसेल जांच अऊ परामर्श केन्द्र
- सिकल सेल के पता लगाय स्कूल मन म होही खून के जांच
रायपुर स्वास्थ्य विभाग के सिकल सेल संस्थान ल सेंटर ऑफ एक्सीलेंस के रूप म विकसित करे जाही। ब्लड ट्रांसफ्यूजन, स्टेम सेल थेरेपी अऊ हिमोग्लोबिनोपैथी जइसे सुविधा उहां उपलब्ध होही। आज रायपुर के नवीन विश्रामभवन म आयोजित विश्व सिकल सेल दिवस कार्यक्रम म मुख्यमंत्री श्री भूपेश बघेल ह एखर घोषणा करिन। कार्यक्रम म स्वास्थ्य मंत्री श्री टी.एस. सिंहदेव ह प्रदेश के सबो जिला मन म नवीन सिकल सेल जांच अऊ परामर्श केन्द्र शुरू करे के घोषणा करिन। जिला अस्पताल मन ले संबद्ध ए केन्द्र मन म सिकल सेल पीड़ित मन ल जांच अऊ परामर्श के सुविधा मिलही। विधायकगण सर्वश्री धनेन्द्र साहू, कुलदीप जुनेजा अऊ गुलाब सिंह कमरो कार्यक्रम म विशिष्ट अतिथि के रूप म सामिल होइन।
