- आंगनबाड़ी कार्यकर्ता ल 6500 रूपिया
- सहायिका मन ल 3250 रूपिया
- मिनी आंगनबाड़ी कार्यकर्ता मन ल 4500 रूपिया
रायपुर, प्रदेश के आंगनबाड़ी कार्यकर्ता मन, मिनी आंगनबाड़ी कार्यकर्ता मन अऊ आंगनबाड़ी सहायिका मन ल 1 जुलाई 2019 ले बाढ़े मानदेय मिलही। राज्य शासन ह पुनरीक्षित दर म मानदेय के भुगतान के स्वीकृति पहिली च जारी कर देहे हे। एखर परिपालन म संचालनालय महिला अउ बाल विकास विभाग कोति ले प्रदेश के सबो जिला कार्यक्रम अधिकारी अऊ परियोजना अधिकारी मन ल संशोधित दर के अनुसार मानदेय भुगतान करे के आदेश जारी कर देहे गए हे। बाढ़े मानदेय के भुगतान अगले महीना ले मिलना शुरू हो जाही।
आंगनबाड़ी कार्यकर्ता मन ल पहिली 5 हजार मानदेय मिलत रहिस, अब बढ़ोत्तरी के बाद 6 हजार 500 रूपये मिलही। मानदेय म राज्य सरकार के अंशदान 3800 रूपिया हे। अइसनहे आंगनबाड़ी सहायिका मन ल 2 हजार पांच सौ रूपिया के राशि मिलत रहिस, मानदेय म बढ़ोतरी के बाद ओ मन ल अब 3 हजार 250 रूपिया मिलही। ये मां राज्य शासन के अंशदान एक हजार 900 रूपिया हे। अइसनहे मिनी आंगनबाड़ी कार्यकर्ता मन ल अब तक 3 हजार 250 रूपिया के राशि मिलत रहिस, अब बढ़ोतरी के बाद कुल 4 हजार 500 रूपिया मिलही। मानदेय म राज्य सरकार के अंशदान 2 हजार 400 रूपिया हे।
