- बाल संरक्षण के क्षेत्र म उत्कृष्ट काम करइया पुलिस अधिकारी मन के होइस सम्मान
रायपुर, छत्तीसगढ़ राज्य बाल अधिकार संरक्षण आयोग कोति ले पुलिस अधिकारी मन ल बाल अधिकार मन ले संबंधित जानकारी देहे बर आज रायपुर के सिव्हिल लाइन स्थित आयोग कार्यालय म ‘आव्हान‘ कार्यक्रम के आयोजन करे गीस। कार्यक्रम म बाल कल्याण पुलिस अधिकारी, विशेष किशोर न्याय अधिकारी अऊ यातायात के अधिकारी-कर्मचारी सामिल होइन। कार्यक्रम म बाल संरक्षण के क्षेत्र म उत्कृष्ट काम करे बर आजाद चौक,रायपुर के नगर पुलिस अधीक्षक श्री नसर सिद्दीकी, डी.एस.पी. श्रीमती कविता ठाकुर अऊ प्रशिक्षु डीएसपी सुश्री कल्पना वर्मा, ल प्रशस्ति पत्र प्रदान करके सम्मानित करे गीस।
कार्यशाला ल संबोधित करत आयोग के अध्यक्ष श्रीमती प्रभा दुबे ह कहिन कि लइका मन अऊ किशोर मन ले जुड़े मामला मन म संवेदनशीलता बरतना चाही, जेखर से ऊंखर कोमल मन म उलटा प्रभाव झन परय। लइका ल अपराधी के दृष्टि ले न ही भलुक ओखर हालत अऊ मनःस्थिति ल देखके व्यव्हार करना चाही। उमन पुलिस अधिकारी मन ले लइका मन ल लइका मन के अनुकूल वातावरण देवत व्यवहार करे के अपील करिन। आयोग के सचिव श्री प्रतीक खरे ह अधिकारी मन ल खेल के माध्यम ले बाल अधिकार अउ संरक्षण के पहलु मन ले अवगत कराइन। ये बेरा म आयोग के सदस्य श्रीमती इंदिरा जैन, सुश्री टी. आर. श्यामा, संग पुलिस विभाग के अधिकारी उपस्थित रहिन।
