रायपुर, मुख्यमंत्री श्री भूपेश बघेल ले आज मंत्रालय म जापान के निप्पॉन इलेक्ट्रॉनिक कंपनी (एनईसी) कॉर्पोरेशन के उप-प्रबंध निदेशक श्री मशरू हसेगावा के नेतृत्व म सात सदस्यीय प्रतिनिधि मंडल ह मुलाकात करिस।
ये बेरा म राज्य शासन के वाणिज्य अऊ उद्योग विभाग प्रमुख सचिव श्री मनोज पिंगुजा, मुख्यमंत्री के प्रमुख सचिव श्री गौरव द्विवेदी, अपर परिवहन आयुक्त श्री एस.आर.पी. कल्लूरी, प्रबंध संचालक, सीएसआईडीसी श्री पी. अरूण प्रसाद अऊ वाणिज्य अऊ उद्योग विभाग के विशेष सचिव श्री व्ही.के. छबलानी उपस्थित रहिन। अइसनहे प्रतिनिधिमंडल म श्री तोरू सुयामा, वरिष्ठ प्रबंधक, श्री प्रदीप कुशवाहा, प्रमुख पब्लिक सेफ्टी अऊ श्री जनदीप सिंह, वरिष्ठ प्रबंधक अऊ सदस्य सामिल रहिन।
बैठक म एनईसी कोति ले एक पॉवर प्वाइंट प्रदर्शन करे गीस। श्री मशरू हसेगावा ह बताइस कि कंपनी तीर वैश्विक स्तर म 64 हजार ले जादा आईटी, आईटीईसी पेटेंट हे अऊ एला फॉर्चयून 500 कंपनी के रूप म मान्यता दीए गए हे। ये आईसीटी इनोवेशन प्रदाता के रूप म जाने जाथे। उमन बताइस कि कंपनी भारत म आधार संग यातायात सुरक्षा, बीआरटीएस बस परिवहन व्यवस्था जइसे कई ठन क्षेत्र मन म काम करत हे। सामाजिक दृष्टिकोण ले घलोक कंपनी कोति ले व्यापक रूप ले काम करे जात हे। उमन बताइस कि ओ मन छत्तीसगढ़ म इहां के विशिष्ट जरूरत के मुताबिक काम करना चाहत हे। उमन एखर बर स्मार्ट सिटी, यातायात परिवहन अऊ सड़क सुरक्षा जइसे क्षेत्र मन म काम करे म अपन रूचि दिखाईन। बैठक म ये घलोक जानकारी दिए गीस कि छत्तीसगढ़ म 2017 म करीब साढ़े चार हजार अऊ साल 2018 म करीब पांच हजार मनखे मन के सड़क दुर्घटना म मृत्यु होए हे।
मुख्यमंत्री श्री बघेल ह कहिन कि छत्तीसगढ़ म शोध अऊ अनुसंधान प्रयोगशाला आधारित आईटी समाधान स्थापित करे के जरूरत हे। उमन कहिन कि कहूं कॉर्पोरेशन ये दिशा म अपन आधार स्थापित करे के पहल करे हे, त ओखर स्वागत हे।
