- आसना म होही बस्तर लोक नृत्य अऊ साहित्य अकादमी के स्थापना
- मुख्यमंत्री सामिल होइन चित्रकोट म आयोजित वन अधिकार, ग्राम विकास अऊ सुपोषण कार्यशाला म
रायपुर, मुख्यमंत्री श्री भूपेश बघेल आज बस्तर जिला के चित्रकोट म “बनावां नंगत बस्तर” वन अधिकार, ग्राम विकास अऊ सुपोषण कार्यशाला म सामिल होइन। कार्यक्रम म मुख्यमंत्री ह लोहंडीगुड़ा म अनुविभागीय कार्यालय (राजस्व) खोले के घोषणा करिन। संगेच लोहंडीगुड़ा म महाविद्यालय खोले बर अवइया बजट म प्रावधान करे के घलोक घोषणा करिन। उमन ककनार अऊ बिन्ता घाटी म निर्माणधीन सड़क ल जल्दी पूरा करे के निर्देश अधिकारी मन ल दीन।
कार्यक्रम म स्कूल शिक्षा मंत्री अऊ जिला के प्रभारी मंत्री डॉ. प्रेमसाय सिंह टेकाम, बस्तर विकास प्राधिकरण के अध्यक्ष श्री लखेश्वर बघेल, जगदलपुर विधायक श्री रेख चंद जैन, नारायणपुर विधायक श्री चंदन कश्यप, मुख्यमंत्री के संसदीय सलाहकार श्री राजेश तिवारी, कलेक्टर डॉ. अय्याज तम्बोली, जिला पंचायत के मुख्य कार्यपालन अधिकारी श्री इंद्रजीत चंद्रवाल संग जनप्रतिनिधिगण अऊ बड़ संख्या म ग्रामीण मौजूद रहिन।
