कोरबा, जिला के सबो पटवारी हल्का मुख्यालय मन म अब पटवारी हरेक सोमवार अऊ मंगलवार के दिन उपस्थित रहिके गांव वाले मन के राजस्व संबंधी काम मन के निराकरण करहीं। राजस्व अधिकारी मन के बैठक म कलेक्टर किरण कौशल ह सबो पटवारी मन ल हरेक सोमवार अऊ मंगलवार के दिन अपन हल्का मुख्यालय मन म उपस्थित रहिके काम करे के सख्त निर्देश दिए हें। उपस्थित नइ रहइया पटवारी मन के विरुद्ध कड़क कार्यवाही करे जाही। कलेक्टर ह सबो हल्का मुख्यालय अऊ ग्राम पंचायत मन म पटवारी के नाम, मोबाइल नंबर, उपलब्धता के स्थान घलोक प्रदर्शित करे के निर्देश दिए हें।
सोम-मंगल के दिन हल्का मुख्यालय म नइ रहइया पटवारी मन उपर होही कारवाई
