राज्य एड्स नियंत्रण कार्यक्रम के परियोजना निर्देशक अउ अधिकारी मन के बैठक

संवाददाता दिलीप बसंत के रिपोर्ट, सुप्रीम कोर्ट के दिये निर्देश ल सफल बनाये बर छत्तीसगढ़ शासन राज्य एड्स नियंत्रण कार्यक्रम के परियोजना निर्देशक अउ ओखर अधिकारी मन आज नवा सर्किट हाउस रायपुर में बैठक रखिन। ये राज्य स्तरीय बैठक म बस्तर, दुर्ग, रायपुर अउ बिलासपुर संभाग के जिला नोडल अधिकारी अउ सलाहकार मन उपस्थित रहीन। बैठक म बताए गीस के जिला स्तर के आई सी टी सी केंद्र कोति ले एकल खिड़की ले एड्स ले जंग लड़ाईया मनखे ल शासन के सामाजिक सुरक्षा मिलहि। जेमा मेन रूप ल अंत्योदय कार्ड, आवास योजना, इलाज अउ जाँच ब एआरटी केंद्र जवइया बर फ्री बस /ट्रेन पास के संग सामान अधिकार,अउ बिना भेदभाव के गोपनीयता बने बने जीवन जिये ब प्रोत्साहन दिए जाहि। अब तक कई जिला म ये योजना लागू हो गे हे। योजना के फायदा बर सम्बंधित जिला के सामाजिक सुरक्छा एकल खिड़की म आवेदन देना परही । ये योजना ब उच्च न्यायालय है आदेशित करे हे।