- आन मनखे मन बर प्रेरणास्त्रोत बताइन
- मुख्यमंत्री शहरी स्लम क्लीनिक योजना के तहत लगे शिविर म पहुँचे मुख्यमंत्री
- सुपोषण अभियान के तहत गर्भवती अऊ शिशुवती माता मन ल मुख्यमंत्री ह परोसिन गरमा-गरम पौष्टिक जेवन
- 5 नान्हें लइका मन ल सुपोषण टोकरी भेंट करिन
रायपुर, मुख्यमंत्री श्री भूपेश बघेल ह आज धमतरी प्रवास के समय धमतरी के टिकरापारा निवासी दंपति श्रीमती सुनीता लाल अऊ अऊ श्री राजेश लाल ल जागरूक दंपति होए के प्रशस्ति पत्र सौंपिन। दरअसल इंकर 28 दिन के पुत्री के जन्म ले पैर टेढ़ा हे। बच्ची के पैदा होए के कुछ दिन बाद अभिभावक ल आभास होइस कि ओखर पैर सही नइ हे। नौ नवम्बर के नयापारा के आंगनबाड़ी केंद्र नंबर एक म टिकरापारा स्वास्थ्य सुविधा केंद्र म आयोजित शिविर म ये दंपति पहुँचिन। मौजूद चिकित्सक मन ह जांचकरके पैर टेढ़ा होए के पुस्टि करिन अऊ बच्ची के उपचार अऊ आपरेशन बर जिला अस्पताल म रेफर करिन। ये 28 दिन के बच्ची के ये हफ्ता उपचार घलोक करे जाही। अभिभावक मन के ये जागरूकता अऊ मुख्यमंत्री शहरी स्लम क्लिनिक योजना के प्रति चेतना ले प्रसन्न होके मुख्यमंत्री श्री भूपेश बघेल ह ए मन ल प्रोत्साहित करे प्रशस्ति पत्र दे अऊ ओ मन ल आन मनखे मन बर प्रेरणास्त्रोत बताइन।
