कुपोषित लइका, एनीमिक गर्भवती माता मन अऊ शिशुवती माता मन के भोजन के मॉनिटरिंग बर बनाय गे व्हाट्सएप ग्रुप कोति ले नियमित मॉनिटरिंग सुरू

दुर्ग, कलेक्टर श्री अंकित आनंद के निर्देशानुसार जिला के आंगनबाड़ी मन म गंभीर कुपोषित अऊ मध्यम कुपोषित लइका मन ल दिए जात भोजन के मॉनिटरिंग बर बनाय गे व्हाट्सएप ग्रुप ह अपन काम सुरू कर देहे हे। ग्रुप म सामिल अधिकारी मन ह व्यवस्था के मॉनिटरिंग सुरू कर दीन। आज सबो अधिकारी रोस्टर मुताबिक आंगनबाड़ी केंद्र मन म पहुंचिन अउ उहां उमन गंभीर रूप ले कुपोषित अऊ मध्यम रूप ले कुपोषित लइका मन अऊ एनीमिक गर्भवती अऊ शिशुवती महिला मन के भोजन के निरीक्षण करिन। जिला कार्यक्रम अधिकारी श्री विपिन जैन ह बताइस कि 1:00 बजे तक सबो फोटोग्राफ अपलोड कर दे गे रहिस। आंगनबाड़ी केंद्र मन म भोजन के व्यवस्था के संगेच लइका मन के उपस्थिति म घलोक नजर रखे जात हे जऊन गर्भवती माता अऊ शिशुवती माता मन एनीमिक हे अऊ आंगनबाड़ी केंद्र मन म नइ आवत हें ओ मन ल घलोक आंगनबाड़ी केंद्र मन तक लाय बर गृह भेंट जइसे कार्यक्रम करे जाही ताकि अधिकाधिक महिला मन ल ये योजना के लाभ मिल सकय।