- पंडित रविशंकर विश्वविद्यालय के कुलपति ह करिस 27वां राज्य स्तरीय बाल विज्ञान कांग्रेस के शुभारंभ
- बाल विज्ञान कांग्रेस म 130 बाल वैज्ञानिक प्रस्तुत करहीं ‘स्वच्छ, हरित अउ स्वस्थ्य राष्ट्र’ विसय म परियोजना
रायपुर, पंडित रविशंकर शुक्ल विश्वविद्यालय के कुलपति प्रोफेसर के.एल. वर्मा ह आज विश्वविद्यालय के जीवन विज्ञान अध्ययन शाला के जे. सी. बोस हॉल म दू दिवसीय 27वां राज्य स्तरीय बाल विज्ञान कांग्रेस 2019 के शुभारंभ करिन। ये बेरा म उमन कहिन कि लइका मन म वैज्ञानिक रूचि विकसित करे के उद्देश्य ले ये कार्यक्रम के आयोजन राष्ट्रीय विज्ञान अउ प्रौद्योगिकी संचार परिषद, विज्ञान अउ प्रौद्योगिकी विभाग भारत सरकार कोति ले करे जात हे। श्री वर्मा ह कहिन कि ये राज्य स्तरीय बाल विज्ञान कांग्रेस के मुख्य विसय ‘स्वच्छ, हरित अउ स्वस्थ्य राष्ट्र बर विज्ञान, तकनीकी अउ नवाचार’रखे गए हे, जऊन आज के परिवेश म अड़बड़ महत्वपूर्ण विसय हे। ये आयोजन के माध्यम ले लइका मन म पर्यावरण, स्वच्छता अऊ स्वास्थ्य के प्रति जागरूकता के घलोक संचार होही।
