रायपुर, सशस्त्र सेना झण्डा दिवस के बेरा म राज्यपाल सुश्री अनुसुईया उइके ल सैनिक कल्याण बोर्ड के अधिकारी मन ह स्टीकर अउ बैज लगाइन। सुश्री उइके ह सैनिक मन के कल्याण बर सहयोग राशि घलोक प्रदान करिन।
राज्यपाल सुश्री उइके ह कहिन कि सेना हमार देश के सबले बड़े शक्ति हे। उंखर बदौलत ही हम आजाद हवन। हमला ये आजादी ल अक्षुण्ण बनाए रखे बर सजग रहे के जरूरत हे। सेना के जवान जब मौसम के परवाह करे बिना सीमा मन म चौकस रहिके गश्त करथें, तभे पूरा भारतवासी चैन से रहि पाथें। उमन शहीद मन ल सुरता करत कहिन कि उंखर कुर्बानी अबिरथा नइ जाए। हम सब सदा ऊंखर करजदार रहिबोन। ये बेरा म संचालनालय सैनिक कल्याण छत्तीसगढ़ के संचालक एयर कमोडोर श्री ए. एन. कुलकर्णी (से.नि.) संग बोर्ड के आन अधिकारी उपस्थित रहिन।
