धमतरी, ’प्रदेश के अभी हाल के सरकार के ज्यादातर फोकस ग्रामीण विकास अऊ आदिवासी विकास कोति हे। आदिवासी लोक संस्कृति, परम्परा अऊ विरासत ल सहेजे बर मुख्यमंत्री श्री भूपेश बघेल के सियानी म सरकार सुग्घर उदीम करत हे। आदिवासी मन के उत्थान बर कई ठन योजना मन अऊ कार्यक्रम मन के संग शासन कोति ले कवायद करे जात हे।’
ये बात धमतरी विकासखण्ड के ग्राम पंचायत पोटियाडीह म मुख्यमंत्री के मासिक रेडियो वार्ता ’लोकवाणी’ के पांचवा कड़ी के प्रसारण के बाद अपन प्रतिक्रिया देवत स्थानीय सरपंच श्रीमती उर्मिला साहू ह कहिन। ए बेरा म गांव के महिला मन म श्रीमती अरूणा साहू, श्रीमती प्रीति यादव, अमरिका साहू, पिंगला देवांगन आदि ह कहिन कि मुख्यमंत्री ह संस्कृति अऊ परम्परा मन के समकक्ष निरूपित करिन। ये बेरा म जनपद पंचायत धमतरी के सीईओ श्री अमित दुबे, रेडक्रॉस सोसायटी के श्री प्रदीप साहू संग बड़ी संख्या म ग्रामीणजन उपस्थित रहिन।
