रायपुर, प्रदेश के स्कूल शिक्षा, सहकारिता मंत्री डॉ. प्रेमसाय सिंह ह कहिन हे कि खेल हमार स्वस्थ्य जीवन बर जरूरी हे। स्कूल शिक्षा मंत्री डॉ. टेकाम आज इहां नवा रायपुर म इंद्रावती भवन तीर स्थित खेल मैदान म छत्तीसगढ़ संचालनालय राजपत्रित अधिकारी संघ अउ शासकीय संयुक्त कर्मचारी संघ नवा रायपुर कोति ले स्वर्गीय जी.एस. वर्मा के स्मृति म आयोजित प्रीमियर लीग क्रिकेट प्रतियोगिता अउ छत्तीसगढ़ी पारंपरिक खेलकूद प्रतियोगिता के शुभारंभ अवसर म आयोजित कार्यक्रम ल सम्बोधित करत रहिन। डॉ. टेकाम ह क्रिकेट प्रीमियर लीग मैच के शुभारंभ मैदान म क्रिकेट बेट ले हाथ अजमाके करिन। डॉ. टेकाम ह खिलाड़ी मन ल प्रोत्साहित करत अपन स्वेच्छानुदान मद ले 40 हजार रूपिया प्रदान करे के घोषणा करिन।
खेल स्वास्थ्य बर जरूरी : डॉ. प्रेमसाय सिंह टेकाम
