रायपुर। कान्हा किसली घूमे बर गए टीम इंडिया के पूर्व कप्तान महेंद्र सिंह धोनी शुक्रवार के मुंबई लौटत बेरा रायपुर पहुंचीस। ये दौरान वो ह एयरपोर्ट डायरेक्टर ले भेंट करिस अउ उंखर संग शतरंज खेलिस। वोखर बाद राजधानी रायपुर ले मुंबई बर उड़ान भरीस।
ये दौरान महेंद्र सिंह धोनी ह छत्तीसगढ़ के अब्बड़ तारीफ करिस। वो कहिन कि रायपुर के स्वामी विवेकानंद एयरपोर्ट अब्बड़ सुघ्घर हे। छत्तीसगढ़ ह हरियाली ले भरे राज्य हे।
आप मन ल बता देथन कि बुधवार के कान्हा किसली घूमे बर पहुंचे रहिस। इहां वो दो दिन बिताए। कान्हा किसली म धोनी बंजारा टोला के रिसॉर्ट म रूके रहिस। ये बेरा धोनी ह कान्हा किसली के आनंद लिस।
MS धोनी, रायपुर एयरपोर्ट डायरेक्टर के संग खेलिस घोड़ा- हाथी मन के खेल, अउ छत्तीसगढ़ के खूब करिस तारीफ।
