रायपुर, 01 फरवरी 2020। मुख्यमंत्री श्री भूपेश बघेल ह छत्तीसगढ़ के महान सपूत, प्रखर पत्रकार अऊ पूर्व सांसद स्वर्गीय श्री चंदूलाल चंद्राकर के पुण्यतिथि 2 फरवरी म ओ मन ल नमन करके श्रद्धांजलि दिए हें। श्री बघेल ह कहिन हे कि छत्तीसगढ़ के माटी पुत्र श्री चंद्राकर ह अपन प्रखर व्यक्तित्व अऊ निर्भीक पत्रकारिता ले देश म छत्तीसगढ़ के नाम रोशन करे हें। उमन लोकसभा म सांसद के रूप म अऊ कई महत्वपूर्ण पद मन के दायित्व संभालत देश अऊ प्रदेश के सेवा करिन। श्री च्रंद्राकर ह छत्तीसगढ़ राज्य आंदोलन ल नवा दिशा प्रदान करिन। मुख्यमंत्री ह कहिन कि श्री चंद्राकर के मूल्य आधारित निष्पक्ष अऊ निर्भीक पत्रकारिता, मातृभूमि बर सेवा भावना, ऊंखर अमूल्य विचार नवा पीढ़ी ल हमेशा प्रेरित करत रइही।
मुख्यमंत्री ह स्वर्गीय श्री चंदूलाल चंद्राकर के पुण्यतिथि म ओ मन ल नमन करिन
