मुख्यमंत्री श्री भूपेश बघेल न्यूयॉर्क म शिवाजी जयंती कार्यक्रम म होइन सामिल

रायपुर, 18 फरवरी 2020। मुख्यमंत्री श्री भूपेश बघेल अपन अमेरिका प्रवास के समय न्यूयार्क स्थित कॉन्सूलेट जनरल ऑफ इंडिया के कार्यालय म आयोजित छत्रपति शिवाजी महाराज के जयंती कार्यक्रम म सामिल होइन। कार्यक्रम म श्री बघेल ह छत्रपति शिवाजी ल नमन करत कहिन कि शिवाजी महाराज ल सुरता करे म एक आत्मविश्वास ले भरे व्यक्तित्व अऊ शौर्य के चिनहा के तस्वीर उभरथे। शिवाजी ह कम संख्या के सेना के बावजूद आत्मविश्वास के बल म कई लड़ाई जीते हें। उही प्रकार हमला घलोक आज के हालत म अपन चुनौती मन के सामना आत्मविश्वास ले करना चाही। मुख्यमंत्री ह कहिन कि शिवाजी के नारी सम्मान के काम मन, गुरू अऊ माता के आदेश के पालन, देश बर त्याग अऊ समर्पण भाव ले हमला सीखना चाही। उमन कहिन कि बड़ प्रसन्नता के बात हे कि भारत देश ले बाहिर हजारों मील दूरिहा इहां न्यूयॉर्क म हमन शिवाजी महाराज के जयंती मनावत हन।