रायपुर, 19 फरवरी 2020। भारतीय थल सेना के भर्ती रैली जिला मुख्यालय कवर्धा के आउटडोर स्टेडियम म 16 अपरेल 2020 ले आयोजित करे जात हे। भर्ती रैली म छत्तीसगढ़ प्रदेश के सबो जिला के उम्मीदवार सामिल हो सकत हें। भारतीय थल सेना कोति ले ए रैली म सैनिक सामान्य ड्यूटी (जी.डी.), सामान्य ड्यूटी अनुसूचित जनजाति, सैनिक तकनीकी, सैनिक नर्सिंग सहायक, नर्सिंग सहायक (वेटनरी), सैनिक लिपिक, स्टोर कीपर अऊ सैनिक ट्रैड मैन के पद मन के भर्ती करे जात हे। आवेदक भर्ती रैली बर आवेदन बर 31 मार्च 2020 तक वेबसाइट www.joinindianarmy.nic.in म ऑनलाईन पंजीयन कराना जरूरी हे। आवेदक 01 अपरेल 2020 के बाद इही वेबसाइट म अपन ई-मेल म लॉगइन करके प्रवेश पत्र, भर्ती के तारिख अऊ रैली स्थान के विवरण के जानकारी के प्रिन्टआउट ले सकत हे।
ये पद मन बर शैक्षणिक अर्हता 10वीं, 12वीं अऊ जादा शिक्षा (सैनिक ट्रैड मैन ल छोड़कर), 10वीं अऊ उच्च शिक्षा सैनिक ट्रैड मैन (हाउस कीपर अऊ मेस कीपर ल छोड़के), 8वीं उत्तीर्ण सैनिक ट्रैड मैन (केवल हाउस कीपर अऊ मेस कीपर) रखे गए हे। संगेच अलग-अलग पद मन बर आयु सीमा साढ़े सत्रा ले 21 व 23 रखे गए हे। जादा जानकारी बर वेबसाइट www.joinindianarmy.nic.in म ले प्राप्त कर सकत हें।
