दुर्ग, 20 फरवरी 2020। आजकल हर छोटे-बड़े मनखे एटीएम (ATM) के उपयोग करथे। एटीएम के सहारे हम कोनो बेरा म कहूं भी ले नगदी निकाल सकथन, फेर अब एटीएम बउरइया मन बर एक चिंता के खबर हे। का हे के देश के एटीएम ऑपरेटर्स एसोसिएशन (ATM Operators Association) ह रिज़र्व बैंक (Reserve Bank) ल चिट्ठी लिखके मांग करे हे के एटीएम ले कैश निकाले म इंटरचेंज चार्ज ल बढ़ाए जाए। एटीएम ऑपरेटर्स मन के कहना हे के कहूं एटीएम मशीन मन ले कैश निकाले के फीस म बढ़ोत्तरी नइ करे जाही, त ओ मन ल बिज़नेस म भारी नकसान हो सकत हे। एटीएम ऑपरेटर्स के ये मांग ह मनखे मन के चिंता ल बढ़ा दिए हे।
जब ले आरबीआई (RBI) ह नवा सुरक्षा नियम मन ल लागू करे हे, तब ले एटीएम मशीन मन के संचालन म खरचा ह बाढ़ गए हे। अइसन म एटीएम ले कैश निकाले के चार्ज म इजाफ़ा करना ज़रूरी हे। अभी आरबीआई ह 5 फ्री एटीएम ट्रांजेक्शन के बाद प्रति निकासी म 15 रूपिया के चार्ज तय करके रखे हे, फेर एटीएम ऑपरेटर्स के मुताबिक, ये फीस बहुते कम हे, ते खातिर आरबीआई ले उमन ह मांग करे हें के एटीएम ले कैश निकाले के चार्ज म इजाफ़ा करे जाए।
