- पुस्तकालय बर 2 लाख के घोषणा
- नगरीय प्रशासन मंत्री शासकीय उच्चतर माध्यमिक विद्यालय गुजरा के वार्षिकोत्सव म होइन सामिल
रायपुर, 23 फरवरी 2020। नगरीय प्रशासन अऊ श्रम मंत्री डॉ. शिवकुमार डहरिया सनिच्चर के रायपुर जिला के आरंग विकासखंड अंतर्गत शासकीय उच्चतर माध्यमिक विद्यालय गुजरा के वार्षिकोत्सव म सामिल होइन। डॉ. डहरिया ह छात्र-छात्रा मन ल संबोधित करत कहिन कि पढ़ईया लईका मन बर वार्षिक उत्सव के आयोजन गौरव के क्षण होथे। साल भर के गतिविधि, शिक्षा, खेल, कला, संस्कृति संग आन प्रतियोगिता मन म अच्छा प्रर्दशन करे के उत्सव ये। ये दिन उत्कृष्ठ छात्र-छात्रा मन ल सम्मानित घलोक करे जाथे। उमन कहिन कि छात्र-छात्रा मन ल लगन, ईमानदारी अऊ निष्ठा के संग भविष्य निर्माण म आगू बढ़ना चाही।
ये बेरा म जनपद पंचायत आरंग के अध्यक्ष श्री खिलेंद्र देवांगन, जिला पंचायत सदस्य श्री माखनलाल कुर्रे, श्री कोमल साहू, जनपद सदस्य श्री देवराज जांगड़े, गुजरात के सरपंच श्री नरेश बघेल, प्राचार्य श्री शंकर लाल बघेल, संग जनप्रतिनिधि अऊ शिक्षक-शिक्षिका मन अऊ छात्र-छात्रा मन बड़ संख्या म उपस्थित रहिन। कार्यक्रम के संचालन शिक्षक श्री भानु प्रताप डहरिया ह करिस। मंत्री डॉ. शिवकुमार डहरिया ग्राम गुजरा म ही आयोजित कर्मा जयंती कार्यक्रम म घलव सामिल होइन अऊ सामुदायिक भवन निर्माण बर 5 लाख के घोषणा करिन। डॉ. डहरिया एखर बाद आरंग नगर म आयोजित छत्तीसगढ़ झेरिया निर्मलकर समाज के वार्षिक सम्मेलन म सामिल होइन। उमन सामुदायिक भवन निर्माण बर 10 लाख के घोषणा करिन।
