ब्लड प्रेशर कंट्रोल बर 150 रूपिया म बायो उत्पाद

रायपुर, 24 फरवरी 2020। राष्ट्रीय कृषि मेला म प्रदेश भर के स्व-सहायता समूह कोति ले तियार करे कई ठन बायो उत्पाद मन के प्रदर्शनी घलोक लगाए गए हे। कोरबा जिला के विकासखण्ड करतला अंतर्गत ग्राम कोनो के हरियाली सहकारी समिति मर्यादित के महिला मन कोति ले तियार रक्तचाप नियंत्रक (ब्लड प्रेशर कंट्रोलर) करीबन 150 रूपिया म उपलब्‍ध हे। गोबर, गौमूत्र, बेल संग आन औषधि के उपयोग ले बने रक्तचाप नियंत्रक के संबंध म बताइ जात हे कि करीबन 15 ले 20 मिनट एखर धुंगिया लेहे के बाद ब्लड प्रेशर सामान्य हो जाथे। एला कुटुंब के सबो मनखे आसानी ले उपयोग म ला सकत हें। एखर बेचइया ह बताइस कि अभी तक लगभग एक हजार रक्तचाप नियंत्रक के बिक्री हो गए हे। ओ मन पाछू 3 साल ले ए उत्पाद ल बनावत हें। ए स्टाल म 100 ग्राम उपला ((गोबर कण्डा /छेना)) 30 रूपिया म बेंचावत हे।