रायपुर। राजधानी म इनकम टैक्स अधिकारी मन के गाड़ी मन ल रायपुर पुलिस ह जब्त कर ले हे। ये जम्मों गाड़ी छापेमारी करे आये अधिकारी मन बर अधिगृहित करे गए रहिस, ए गाड़ी मन म छापा मारे बर रवाना होए ले पहली ही रायपुर पुलिस ह जब्त कर लिस । आरोप हे कि ये गाड़ी मन नो पार्किंग जोन म खड़े रहिस। हालांकि राजधानी पुलिस ह इनकम टैक्स अधिकारी मन के गाड़ी ल जब्त करे ले इनकार करत हे।
सुत्र के मानन त जेन गाड़ी म इनकम टैक्स के अधिकारी मन कल राजधानी म छापेमारी करे रहिस ओमा ले 20 गाड़ियां देर रात नो पार्किंग जोन म लगाए गए रहिन, ओला राजधानी के ट्रैफिक पुलिस ह जब्त कर ले हे। खबर ये हे कि ए मामला म अधिकारी मन ह केंद्र सरकार म शिकायत दर्ज करवा देहे. वही अपन सीनियर अधिकारी मन ल ए बात के सूचना दे दिए हे।
