शिक्षाकर्मी मन के संविलियन के घोषणा बर मुख्यमंत्री के अभिनंदन

रायपुर 04 मार्च 2020। मुख्यमंत्री श्री भूपेश बघेल ले आज इहां विधानसभा स्थित ऊंखर कुरिया म छत्तीसगढ़ टीचर्स एसोसिएशन के प्रतिनिधि मण्डल ह सौजन्य मुलाकात करिस। उमन वित्तीय साल 2020-21 के बजट म दू साल के सेवा पूरा करइया शिक्षाकर्मी मन के एक जुलाई 2020 ले संविलियन के घोषणा बर मुख्यमंत्री श्री बघेल ल अभिनंदन पत्र भेट करके उंखर अभिनंदन करिन। प्रतिनिधि मण्डल म सर्वश्री संजय शर्मा, वाजिद खान, देवनाथ साहू, शैलेन्द्र, हेमन्त पारधी, अंजूम शेख, केशर साहू, संतोष सिंह, करीम खान, ऋषि देव सिंह, मनोज चौबे अऊ जय कौशिक संग प्रदेश के कई जिला ले आए शिक्षाकर्मी बड़ संख्या म उपस्थित रहिन। प्रतिनिधि मण्डल ह कहिस के शिक्षाकर्मी मन ह ये बजट ले अड़बड़ उम्मीद लगा रखे रहिन, जेला मुख्यमंत्री जी ह बड़ उदारता के संग पूरा करिस।