दुर्ग, 09 मार्च 2020। खबर हे के अब किसान घलोक जैविक खेती कोति अपन रुझान व्यक्त करत हें. जैविक खेती ले किसान मन बर आमदनी के नवा आयाम खुलत हे. इही कड़ी म पतंजलि बायो रिसर्च अब जैविक अऊ आधुनिक खेती ल बढ़ावा देही. एखर अलावा किसान मन ल उन्नत किसिम के बीज घलोक उपलब्ध कराए के काम घलोक पतजंलि ह करही. योगगुरु बाबा रामदेव के पतंजलि आयुर्वेदिक, औषधि अऊ उपभोक्ता समान के कारोबार म अपन परचम लहराए के बाद अब किसान मन ल उन्नत किसिम के बीज उपलब्ध करवा के कृषि क्षेत्र म एक नवा आयाम जोड़ही. पतंजलि बायो रिसर्च इंस्टीट्यूट ह देश के बड़का अनुसंधान संगठन राष्ट्रीय कृषि अनुसंधान परिषद के संग एक समझौता करे हे. पतंजलि आयुर्वेद के अध्यक्ष आचार्य बालकृष्ण अऊ आईसीएआर के महानिदेशक त्रिलोचन महापात्रा ह केंद्रीय कृषि अउ किसान कल्याण मंत्री नरेंद्र सिंह तोमर के मौजूदगी म एक समझौता ज्ञापन (एमओयू) म हस्ताक्षर करे हें. ये मौका म केंद्रीय कृषि अउ किसान कल्याण राज्यमंत्री पुरुषोत्तम रूपाला, केंद्रीय कृषि अउ किसान कल्याण राज्यमंत्री कैलाश चौधरी अऊ आईसीएआर के अंतर्गत अवइया भारतीय कृषि अनुसंधान संस्थान के अधिकारी मौजूद रहिन.
जैविक खेती ल बढ़ावा देहे के संग किसान मन ल अब उन्नत किसिम के बीज देही पतंजलि
