मुंगेली, 15 मार्च 2020। काली दिनांक 14 मार्च 2020 के स्वास्थ्य एवं परिवार कल्याण विभाग द्वारा सुखनंदन अस्पताल मुंगेली के सभाकक्ष म इंडियन मेडिकल एसोसिएशन के सदस्य अउ निजी चिकित्सक मन कोरोना वायरस के विषय म परिचर्चा आयोजित करिन। परिचर्चा म विशेषज्ञ हं बताइन कि कोविड 19 एक वायरस से फैलने वाली बीमारी हावय, जोकि चीन के वुहांग शहर से शुरुआत होइस हे। वर्तमान म लगभग 100 देश में फैलाव हो चुके हे। विश्व स्वास्थ्य संगठन ह कड़े कदम उठाते हुए ये बीमारी ल पेंडेमिक घोषित कर दिये गय हे। स्वास्थ्य एवं परिवार कल्याण विभाग भारत सरकार से भी नियमित रूप से ये बीमारी के बचाव अउ रोकथाम बर नियमित समीक्षा करे जावत हे। सभी राज्य के एकीकृत रोग निगरानी विभाग ल निर्देशित करे गे है कि कोरोना प्रभावित देश से यात्रा करने वाले यात्री के निगरानी करे जाय। छत्तीसगढ़ शासन स्वास्थ्य एवं परिवार कल्याण विभाग से घलो निर्देश प्रसारित करते हुए ये बीमारी ल नियंत्रण करे बर पब्लिक हेल्थ एक्ट 1949 प्रभावशील कर दिये गय हे। परिचर्चा म ये बात के जानकारी ले अवगत कराय गे हे। सब्बो अस्पताल म अपन स्टाफ ल बीमारी के संबंध म संवेदनशील करे के हिदायत भी दिये गय हे। संभावित मरीज के जानकारी जिला सर्वेलेन्स अधिकारी ल रिपोर्ट करे के विषय म बताय गिस। ऐसन व्यक्ति जो कि कोरोना प्रभावित देश के 15 फरवरी के बाद यात्रा करे हें अउ बुखार, खांसी अउ सांस म तकलीफ के शिकायत होवत हे, संभावित मरीज के श्रेणी म मानके ओला जिला अस्पताल, मेडिकल कालेज या नजदीकी एम.बी.बी.एस. या मेडिकल विशेषज्ञ से सलाह ले जाय। सैम्पल लेके के सुविधा जिला अस्पताल म उपलब्ध हे। राज्य म भारतीय आयुर्विज्ञान संस्थान रायपुर म जांच के सुविधा उपलब्ध हावय। सब्बो चिकित्सक ल अपन स्टाफ से बार-बार हाथ धोयबर, सर्दी, खाँसी वाले मरीज ल काउंसलिंग, ओपीडी क्षेत्र म भीड़ के प्रबंधन, के जानकारी से अवगत कराय बर बताय गिस। संभावित व्यक्ति ल कोई तकलीफ नई हे, ओला घर म ही रहे के हिदायत दिये जाय। भीड़ वाले स्थान म जाय से बचा जाय अउ खाँसी आय ले रुमाल, सर्जिकल मास्क के उपयोग करे जाये। दोनो नही होय ले अचानक खाँसी के दशा म अपन कोहनी के उपयोग कर सकत हें। जो कि सामान्य तौर म अन्य व्यक्ति के संपर्क म न आय। कोरोना वायरस से होय ले न्यूमोनिया के लक्षण अउ जटिलता म घलो जानकारी दे गिस।
परिचर्चा के दौरान मुख्य चिकित्सा एवं स्वास्थ्य अधिकारी डा. कमलेश खैरवार, जिला कार्यक्रम प्रबंधक, राष्ट्रीय स्वास्थ्य मिशन श्री उत्कर्ष तिवारी, जिला सर्वेलेन्स अधिकारी डा. रविशंकर प्रसाद देवांगन, डा. व्ही.के. सालोमन, डा. राजन सुखनंदन, डा. सजय अग्रवाल, डा. ए.के. जान, डा. सेलिन कुजूर, डा. अल्का मिंज, श्रीमती एस. सुखनंदन, श्रीमती अर्चना, श्री दिप्लेश कुमार, श्री नीरज कुमार सहित निजी चिकित्सक उपस्थित रहिन।
गुरतुर गोठ बर मुगेली ले दिलीप बसंत
