दंतेश्वरी महिला फाइटर के कमांडो अऊ नक्सली मन के बीच मुठभेड़

दंतेवाड़ा, 19 मार्च 2020। गमपुर के जंगल म डीआरजी अउ दंतेश्वरी महिला फाइटर के कमांडो अऊ नक्सली मन के बीच मुठभेड़ के खबर हे। जानबा हे के गमपुर ह दंतेवाडा अऊ बीजापुर जिला के सरहदी इलाका म घना जंगल के क्षेत्र ये। जानबा होए हे के अभी बिहंचे ले सरलग मुठभेड़ जारी हे। डीआरजी के जवान मन ह एक पुरुष नक्सली के शव बरामद करें हे संगेच कई नक्सली मन के घायल होए के घलोक सूचना मिले हे। खबर के बताती डीआरजी के जवान मन ल उहां बड़े नक्सली नेता मन के सकलाए के सूचना मिले रहिस हे त जवान मन वोकरे सर्चिंग म निकले रहिन। जानकारी मिले हे के अभी तक जवान मन जंगले म हे अऊ रुक-रुक के दूनो कोति ले गोलीबारी चलत हे। ये पूरा मामला किरंदुल थाना क्षेत्र के हे अउ दंतेवाड़ा एसपी अभिषेक पल्लव ह एखर पुस्टि करे हें।