मगरलोड। धमतरी जिला के विकासखंड मगरलोड के गौरव ग्राम पंचायत मेघा म चार विदेशी नागरिक मिले हे. जेमां दो महिला अउ दो पुरुष शामिल हे. प्रदेश भर म जहां कोरोना वायरस ल लेके लगातार सावधानी बरते जावत हे, वही गांव म विदेशी नागरिक मन ल देख के ग्रामीण म भय के माहौल बन गए हे.
ये चारों नागरिक काबर आए रहिस अउ कहां-कहां पर्यटक के रूप म घूमें बर गए रहिस, एखर खुलासा अभी तक नई होय हे. दिसंबर महीना ले घूमें बर आये के बात निकल के आगु आवत हे. मगरलोड पुलिस उच्चाधिकारी ले विदेशी मन के जानकारी बर संपर्क म बने हुए हे. विदेशी नागरिक कर्नाटक पासिंग के मारुती केए 04 एन 6513 वाहन म घूमत हे.
कुरूद एसडीओपी लक्ष्मीकांत मिश्र ह बतावत कि डॉक्टर मन के टीम भेजे जावत हे. ओखर बाद सावधानी पूर्वक उमन ल सुरक्षित स्थान म उच्च अधिकारी मन के मार्गदर्शन लेके रखे जाही. विकासखंड चिकित्सा अधिकारी डॉ शारदा ठाकुर मगरलोड ह बतावत कि चारों विदेशी मन के जांच सामुदायिक स्वास्थ्य केंद्र मगरलोड म करे जावत हे. वर्तमान म अभी सबो कोरोना वायरस ले सुरक्षित हे. उमन ल निगरानी म रखे गए हे.
