रायपुर। विश्व भर म कोरोना के कहर जारी हे। छत्तीसगढ़ म एखर दस्तक के संग ही न्यायालय म घलो एखर असर देखे बर मिलत हे। कोरोना के संक्रमण ल रोके बर हाईकोर्ट घलो एडवायजरी जारी करे हे। एडवायजरी के अनुसार जिला न्यायालय रायपुर, गरियाबंद, तिल्दा, राजिम, देवभोग म लंबित मामला मन के सुनवाई टाल दे गे हे। जेन तिथि मन म मामला के सुनवाई करे जाना रहिस। ओखर बर न्यायालय ह नवा तिथि के घोसना कर दे हे।
न्यायालय के तरफ ले कहे गे हे कि उक्त अवधि म अत्यावश्यक मामला जइसे जमानत संबंधी मामला, स्थगन के मामला, रिमांड कार्य अऊ अन्य अत्यावश्यक प्रकरण इंखर मन के सुनवाई करे जाही।
