पेंड्रा 24 मार्च 2020। कोरोना वायरस के फैलाव ल रोके खातिर सरकार ह पूरा प्रदेश म लॉक डाउन करे के हुकुम जारी करे हे, फेर जनता मानतेच नइ हे। कोरोना महामारी के संकट ल देखत लॉक डाउन के पालन करवाए खातिर सरकार के कारिंदा मन जनता ले गिलौली करत हें फेर जनता हे के मानतेच नइ हे। अइसन म सरकार के कारिंदा मन ल कड़ा कदम उठाए बर मजबूर होना परत हे। अइसनहे एक खबर आए हे के गौरेला पेंड्रा मरवाही के कलेक्टर शिखा राजपूत तिवारी ह पुलिस के लाठी लेके सड़क म उतरिन अउ कार चालक के ड्राइवर ल लाठी देखात कहिन के ये घुमे के टाइम नो हे, तुमन ल ये गंभीरता समझ म नइ आवत हे?
फोटो लल्लूराम ले साभार
