- जिला अग्रणी बैंक के प्रबंधक (एलडीएम) श्री पी.सी. मिश्रा ह प्रदान करिस पांच हजार एक सौ रूपये के चेक
मुंगेली, 04 अपरेल 2020। कलेक्टर डॉ. सर्वेश्वर नरेंद्र भुरे के अपील म नोवले कोराना वायरस के संक्रमण ले पीड़ित अउ प्रभावित मन बर सामाजिक संगठन, समाज सेवक, बुद्धजीवी मन कोति ले बढ़-चढ़ के सहायता राशि भेंट करे जात हे। इही कड़ी म जिला अग्रणी बैंक के प्रबंधक (एलडीएम) श्री पी.सी. मिश्रा ह आज जिला कलेक्ट्रोरेट म कलेक्टर डॉ. सर्वेश्वर नरेंद्र भुरे ल पांच हजार एक सौ रूपये के चेक भेंट करिन। श्री मिश्रा ह ये चेक जिला सहायता कोष बर प्रदान करिन। नोवले कोराना वायरस के संक्रमण से पीड़ित अउ प्रभावित मन बर पांच हजार एक सौ रूपये के चेक प्रदान करे म कलेक्टर श्री भुरे ह श्री मिश्रा ल धन्यवाद दीन। ये अवसर म जिला पंचायत के मुख्य कार्य पालन अधिकारी श्रीमति नुपूर राशि पन्ना, जिला शिक्षा अधिकारी श्री जी.पी.भारद्वाज और महिला एवं बाल विकास विभाग के जिला कार्यक्रम अधिकारी श्री राजेंद्र कश्यप भी मौजूद रहिन।
मुंगेली ले गुरतुर गोठ संवाददाता दिलीप बसंत
