दुर्ग 12 अप्रैल 2020। कोविड 19 नोवल कोरोना वायरस के संक्रमण ले बचाव बर भिलाई म सैनिटाइजिंग के काम सरलग चलत हे, निगम के स्वास्थ्य विभाग के कर्मचारी टैंकर अउ हैन्ड स्प्रे ले सैनेटाइजिंग के काम करत हें। भिलाई निगम क्षेत्र म कोरोना वायरस के संक्रमण के रोकथाम बर निगम प्रशासन आमजन ले अपील तको करत हे के मनखे मन अपन घरे म रहंय ताकि कोरोना वायरस ल फैले ले रोके जा सकय। भिलाई निगम के स्वास्थ्य विभाग के टीम अपन-अपन क्षेत्र के वार्ड मन म सोडियम हाइपोक्लोराइड के घोल ले घर, दुकान, खिड़की, दरवाजा, फर्नीचर अउ बाजार क्षेत्र मन म स्प्रे के माध्यम ले सोडियम हाइपोक्लोराइट के छिड़काव करके सेनेटाइज करे के काम करत हे।
निगम के स्वास्थ्य कर्मचारी ये बेरा म मनखे मन ल बतावत हें के हाथ ल बेरा-बेरा म हैंडवाश/सेनेटाइज करत रहव अऊ मुंह, आंखी अउ चेहरा ल छूए के पहिली हाथ के सफाई करना जरूरी हे। निगम क्षेत्र अंतर्गत वार्ड 21 सुंदरनगर, नहर तीर, शिव मंदिर लाइन, वार्ड 25 संतोषी पारा, मिलन चैक, इमली मोहल्ला, नेपाली मोहल्ला, गौतम किराना स्टोर लाइन, यादव पारा, विवेकानंद नगर, बंगाली मोहल्ला, वार्ड 23 शीतला कॉम्पलेक्स बस्ती, चैरसिया होटल के पीछू, भगत सिंह चैक, सीमेंट लाइन , मुरकू लाइन, हनुमान मंदिर के आस पास, वार्ड 31 जुन्ना कोआपरेटिव लाईन, बच्चन गली, मांझी चैक, अनिल कौशल लाईन, प्रियदर्शनीय मार्केट रोड, शर्मा आश्रम, न्यु तेलगु नगर, मस्जिद रोड अउर कैनाल रोड एरिया, वार्ड 31 गणेश मंदिर एरिया, वार्ड 25 संतोषी पारा शर्मा कॉलोनी, सतनामी मोहल्ला, जयस्तंभ लाइन, गौतम किराना स्टोर लाइन, चमड़ा गोदाम लाइन, नंदनी रोड, बेदी कॉलोनी म निगम के कर्मचारी मन ह सोडियम हाइपोक्लोराइड के टैंकर अउ हैन्ड स्प्रे के माध्यम ले सेनीटाइज करे के काम करे हें।
