दुर्ग म लॉक डाउन म जरूरी सेवा ले जुड़के कोरोना योद्धा के रूप म निगम कर्मी करत हें काम, ताकि मनखे मन ल ढन होवय परेशानी

दुर्ग, 21 अप्रैल 2020।। कोविड 19 कोरोना वायरस के संक्रमण ल रोके बर निगम प्रशासन के तरफ ले हर संभव प्रयास करे जात हे। भिलाई निगम के करीबन 1855 कर्मचारी सरलग कोरोना योद्धा के रूप म काम करत हें जेमां स्वच्छता के कर्मचारी, पेयजल के कर्मचारी अउ निगम के आन कर्मचारी जऊन जरूरी सेवा ले जुड़े हें सामिल हें। उमन रोजेच दू पानी म सेनेटाइज अउ फागिंग के काम करे जात हे। सबो जोन के स्वास्थ्य अधिकारी मन के निर्देशन म सफाई कर्मी मन रोजेच भिनसरहा सड़क, नालि मन के सफाई के संगेच डोर टू डोर कचरा सकेले म जुटे हें। निगम के मुख्य कार्यालय म घलोक राशन सामान आदि के व्यवस्था बनाए बर कर्मचारी तैनात हें जऊन शासन-प्रशासन के जारी होवइया आदेश मन के अनुपालन म कई प्रकार के सेवा देवत हें। जरूरत मंद मन ल फूड पैकेट देना होवय या वार्ड मन म जाके असहाय मनखे मन ल राशन देना होवय ए काम जोन स्तर ले करे जात हे।