दंतेवाड़ा, 24 अप्रैल 2020। जिला के गीदम ब्लॉक के रोंजे निवासी श्रीमती जानकी अटामी एक सामान्य गृहणी हे। वो पहिली अपन घर तीर के अपन एक एकड़ जमीन म पारम्पारिक तौर ले साग-सब्जी उत्पादन करत रहिस अऊ वोकर से साल म करीब 30-40 हजार कमावत रहिस। उद्यानिकी विभाग के कर्मचारी मन के सलाह ले वो ह उन्नत तकनीक ले खेती करना सुरू करिस। उहें साग-सब्जी के खेती के रकबा ल बढ़ाय बर सरलग उदीम करिस। ये बीच जानकी ह करीबन 3 एकड़ क्षेत्र म उद्यानिकी विभाग के राष्ट्रीय सूक्ष्म सिंचाई योजनान्तर्गत ड्रिप स्थापित करके गोभी, भिण्डी, बैंगन, लौकी, मिर्च आदि फसल लगाके बनेच आय अर्जित करे लगिस। ये साल वो ह अभी तक 50 हजार रूपिया आय अर्जित कर उरे हे अऊ अभी हाल म डेढ़ एकड़ म मिरचा अऊ आधा एकड़ म बैंगन के खेती ड्रिप पद्धति ले करत हे, जेखर से करीबन तीन लाख रूपिया आय होए के संभावना हे। उद्यानिकी फसल अपना के श्रीमती जानकी बहुते मगन हे। जेखर से वोखर आर्थिक स्थिति बनेच हो गए हे। जानकी के ये सफलता ल देखके अब आस-पास के दूसर किसान मन घलोक उद्यानिकी फसल अपनावत हें।
लउछरहा..
सड़क खोदइया नक्सली मन ह करिन सरेंडर
दंतेवाड़ा, 13 May 2024। लोन वर्राटू अभियान के तहत दू माओवादी मन ह दंतेवाड़ा पुलिस के...23 नक्सली मन करिन आत्मसमर्पण
दंतेवाड़ा, 29 अप्रैल 2024। हिंसा के रद्दा छोड़के समाज के मुख्यधारा म सामिल होए अऊ लोन...18 नक्सली मन ह करिन आत्मसमर्पण
दंतेवाड़ा 24 अप्रैल 2024। प्रदेश के नक्सल प्रभावित क्षेत्र ले एक पईत फेर बड़का खबर आए...