रायपुर, 25 अप्रैल 2020। कोरोना वायरस ल लेके छत्तीसगढ़ ले बुरा खबर हे. एम्स के एक नर्सिंग ऑफिसर के रिपोर्ट कोरोना पॉजिटव आये हे. एखर पुष्टि एम्स रायपुर ह करिस हे. पॉजिटिव नर्सिंग ऑफिसर मरीज मन के देखभाल करत रहिस. अब छत्तीसगढ़ म एक्टिव पॉजिटिव मरीज मन के संख्या बढ़ के 7 होगे हे.
प्रदेश म शुक्रवार संझा तक सिर्फ 6 कोरोना पॉजीटिव मरीज बचे रहिस. जेखर एम्स म इलाज चलत हे. रात म आये नवा मामला ल मिलाके प्रदेश म 7 कोरोना मरीज होगे हे. अब प्रदेश म कुल कोरोना पॉजीटिव के संख्या 37 होगे हे. जोन म ले 30 मरीज ठीक होके अपन घर वापस लहुट चुके हे.
