रायपुर, 25 अप्रैल 2020। एम्स रायपुर म भर्ती दू अउ कोरोना मरीज स्वस्थ होगे हे. एखर पुष्टि एम्स प्रबंधन ह ट्वीट करके करिस. एम्स के अनुसार शुक्रवार-शनिवार के मध्य रात दू मरीज मन के कोरोना वायरस के दू टेस्ट लगातार निगेटिव पाये गिस. एखर बाद दुनो ल एम्स के चिकित्सक मन के टीम ह डिस्चार्ज करे के निर्णय लिन हे. दुनो ल शनिवार के डिस्चार्ज करे जाही. अब एम्स म कोविड-19 के 5 मरीज मन के उपचार जारी हे.
AIIMS Raipur Update- Two more COVID-19 patients admitted in AIIMS were found negative in second consecutive test. They may be discharged on 25th April, 2020. Now, AIIMS has five active COVID 19 cases. All are in stable condition.
— AIIMS, Raipur, CG😷 (@aiims_rpr) April 24, 2020
बता देथन कि शुक्रवार बिहनिया 2 कोरोना मरीज मन ल डिस्चार्ज करे के बाद छत्तीसगढ़ म कोरोना मरीज मन के संख्या कुल 6 रहिस, जेखर एम्स म उपचार जारी रहिस. रात करीब 10 बजे के आसपास एम्स ह अपन ही एक नर्सिंग ऑफिसर के कोरोना पॉजिटिव होय के पुष्टि करिन. ये केस के बाद प्रदेश म संख्या बढ़ के 7 होगे रहिस.
इही बीच म देर रात प्रदेश बर राहत भरे खबर आइस 2 अउ कोरोना मरीज ठीक होगे हे. प्रदेश म अब तक कुल 37 केस आगु आये हे. जोन म ले 30 मरीज स्वस्थ होके डिस्चार्ज हो चुके हे. 2 अउ लोगन मन ल शनिवार के डिस्चार्ज करे के तइयारी हे.
