महासमुंद जिला म शासन के बाड़ी योजना ले किसान अउ स्व-सहायता समूह होवत हे आत्मनिर्भर

महासमुंद, 29 अप्रैल 2020। राज्य शासन के महत्वाकांक्षी योजना नरवा, गरवा, घुरवा अउ बाड़ी योजना जिला के किसान मन बर वरदान साबित होवत हे। महासमुंद विकासखंड के आदर्श गोठान ग्राम कछारडीह, बागबाहरा के ग्राम तिलाईदादर, पिथौरा के ग्राम परसापाली अउ बसना विकासखंड के ग्राम नवागांव (गनेकेरा) म गोठान के संगें-संग महिला स्व-सहायता समूह मन वर्मी कम्पोस्ट खाद के निर्माण अउ विक्रय करत हें। उद्यानिकी विभाग के सहायक संचालक ह बताइस के महिला स्व-सहायता समूह मन जउन वर्मी कम्पोस्ट खाद बनाए हें ते ल उद्यान विभाग ह अब तक 119.00 क्विंटल बिसाए हे, जऊन ल डी.एम.एफ. बाड़ी के किसान मन ल बांटे गए हे। जेकर राशि करीबन एक लाख एक हजार 150 रूपिया हे। महिला स्व-सहायता समूह के सदस्य अइसनहे रोजगार पाके आत्मनिर्भर होवत हें।