- जिला के नागरिक मन ल जिहां रियायती दर अउ सुलभता ले मिलीस मास्क, उहें लॉकडाउन म महिला मन बर बनिस आय के स्त्रोत
- ग्रामीण क्षेत्र मन के 8500 वृद्धा पेंशनधारी हितग्राही मनल निःशुल्क मास्क के करे गीस वितरण
बालोद, 02 मई 2020। जिला म कोरोना वायरस के संक्रमण ले बचाव अउ रोकथाम बर कलेक्टर श्रीमती रानू साहू के मार्गदर्शन म राष्ट्रीय ग्रामीण आजीविका मिशन (बिहान) समूह के महिला मन रियायती दर म पुनःउपयोग (रियूजेबल) मास्क बनाए के काम करत हें।
जिला पंचायत के अधिकारी मन के बताती बिहान योजना ले जुड़े 123 स्वसहायता समूह के 123 महिला मन 01 लाख 06 हजार 769 मास्क के निर्माण करके दस रूपिया प्रति मास्क के दर ले 01 लाख 05 हजार 18 मास्क के विक्रय करे हें। डौंडी विकासखण्ड के ग्राम भैंसबोड़ के परमेश्वरी समूह के महिला श्रीमती तुलसी ह 1780 मास्क के निर्माण अऊ ग्राम बघमरा के जय कपिलेश्वर समूह के महिला श्रीमती तीजन कोति ह दू हजार मास्क के निर्माण करके कई विभाग, जनपद पंचायत अउ ग्राम पंचायत मन म दस रूपिया प्रति मास्क के दर ले विक्रय करे हे। अइसनहे करत आन समूह के महिला मन तको ये लक्ष ल पाए हें।
