कांकेर जिला के महिला स्व-सहायता समूह बनिस कोरोना वारियर्स : कोरोना के रोकथाम बर तियार करे जात हे मास्क

उत्तर बस्तर कांकेर 03 मई 2020। जिला के कलेक्टर श्री के.एल. चौहान के मार्गदर्शन म महिला स्व-सहायता समूह मन कोति ले नोवल कोरोना वायरस के संक्रमण ले बचाव बर वन विभाग ले समन्वय कर के तेंदूपत्ता संग्राहक अऊ वनोपज संग्राहक मन बर मास्क बनाए जात हे। महिला अउ बाल विकास विभाग परियोजना कांकेर के 16 स्व-सहायता समूह मन, चारामा के 07 अऊ नरहरपुर के 02 महिला स्व-सहायता समूह मन कोति ले कपड़े के 75 हजार मास्क तियार करत हें। अइसनहे राष्ट्रीय आजीविका मिशन (एनआरएलएम) के महिला स्व-सहायता समूह मन तको कपड़ा के 50 हजार मास्क तियार करत हें, उमन अभी तक 55 हजार मास्क तियार कर के वन विभाग ल देहे हें। शारदा महिला स्व-सहायता समूह लखनपुरी, वैष्णवी समूह बोदेली, जय गंगा समूह तारसगांव, समहित समूह चारामा, प्रगति समूह कांकेर, दंतेश्वरी समूह सारवंडी, जय मॉ शीतला समूह देवगांव अउ राष्ट्रीय आजीविका मिशन ले जुड़े महिला स्व-सहायता समूह मन के करीबन 500 महिला मन कोरोना वारियर्स के रूप म काम करत रोजगार ले जुड़ गए हें अऊ कपड़ा के मास्क तियार कर के बाजार दर ले घलोक कम कीमत म उपलब्‍ध करावत हें।