जगदलपुर म कोरोना के खिलाफ अब एनसीसी कैडिट्स सम्हालहीं मोर्चा

जगदलपुर, 03 मई 2020। कोरोना रोकथाम अऊ मनखे मन ल जागरूक करे बर अब एनसीसी कैडिट्स मोर्चा सम्हालहीं। एखर बर तियारी करे जात हे. मैदानी स्तर म सेवा देहे के पहिली ए एनसीसी कैडिट्स मन के मेडिकल जांच कराए गए हे। बस्तर ब्लाक मुख्यालय म 1 सीजी गर्ल्स बटालियन एनसीसी अऊ 9 सीजी इंडिपेंडेंट कम्पनी जगदलपुर ह अवइया 4 मई ले जगदलपुर शहर म कोरोना संक्रमण के रोकथाम बर मनखे मन ल जागरूक करहीं। 1 सीजी गर्ल्स परचनपाल बटालियन के एडम ऑफिसर मेजर अनुजा चतुर्वेदी अऊ सूबेदार मेजर संतोष कुमार वर्मा ह बताइस के 1 सीजी गर्ल्स बटालियन एनसीसी परचनपाल अऊ 9 सीजीइंडिपेंडेंट कंपनी जगदलपुर के कैडिट्स मन ह कोरोना ले लड़े के प्रतिज्ञा लेहे हें।