- पांव म झन परय छाला, ए खातिर प्रवासी श्रमिक महिला पुरुष अऊ लइका मन ल पहिरावत हें चरणपादुका
- कबीरधाम जिला के सीमावर्ती बैरियर म श्रमिक पुरुष, महिला अऊ लइका मन ल देहे जात हे निःशुल्क चरण पादुका
- जन सहयोग ले श्रमिक मन के मदद बर जिला प्रशासन के अभिनव पहल
कवर्धा, 18 मई 2020। कबीरधाम जिला के कवर्धा-राजनांदगांव के मुख्यमार्ग म स्थित नरोधी चेकपोस्ट म जब प्रवासी मजदूर मन पुरूष, महिला अऊ लइका मन के उखरा पांव मन म जब चप्पल पहिराए गीस तब खुशी ले एक मां के ममता, आंसू बन के बोहाए लगिस। अपन जज्बात ल वो रोक नइ पाइस। वो ह बताइस कि वो रेल के लम्बा यात्रा करके छत्तीसगढ़ पहुंचे हे। बस के माध्यम ले कबीरधाम जिला तक पहुंचाए गए हे। अपन घर लहुट के अब बहुत अच्छा लगत हे।
कोरोना वायरस के लाकडाउन ले उपजे विषम परिस्थिति मन म मुख्यमंत्री श्री भूपेया बघेल के विशेष उदीम ले सैकड़ों किलोमीटर दूर के लम्बा यात्रा करे के बाद सकुशल घर लहुटईया प्रवासी मजदूर मन ल ये सहसा अंदाज घलोक नइ रहिस के ऊंखर घर वापसी ले पहिली जिला के मेड़ो म ऊंखर उखरा पांव म चप्पल पहिराए जाही। अइसनेच कुछ नजारा छत्तीसगढ़ के कबीरधाम जिला म देखे ल मिलत हे। कबीरधाम जिला के प्रदेश के सीमा द्वार चिल्फी धवाईपानी, बैरियर अऊ दशरंपुर, नरोधी अऊ पोलमी बैरियर म प्रवासी पुरूष, महिला अऊ छोटे-छोटे लइका मन के खाली पांव म जिला म प्रवेश के संग चरण पदुका पहिराए जात हे।
