तीन किलो मीटर के परिधि कंटेनमेंट जोन घोषित
मूंगेली 20 मई 2020// मुंगेली जिला म घलो कोरोना वायरस संक्रमण के एक मामला सामने आय हे। कुछ दिन पहले आगरा ले विकास खण्ड मुंगेली के रामपुर गांव वापस आइस। क्वारेंटाइन 22 वर्षीय प्रवासी श्रमिक मे कोरोना पाॅजीटिव पाय गीस। देर रात जांच रिपोर्ट मे कोरोना पाॅजीटिव होय के पुष्टि स्वास्थ्य विभाग द्वारा करे जाय ले कलेक्टर डाॅ. सर्वेश्वर नरेंद्र भुरे अव जिला पंचायत के मुख्य कार्य पालन अधिकारी श्रीमति नुपूर राशि पन्ना व्यवस्था बनाये रखे बर दल बल के साथ रात भर ग्राम रामपुर मे डटे रहिन।
रात म ही ग्राम रामपुर ल सील कर दिये गीस। ग्राम रामपुर के आंगनबाडी केंद्र भवन के पास ले तीन किलो मीटर के परिधि पूर्व दिशा मे नहर नाली, लौहड़िया ग्राम , पश्चिम मे बरदुली ग्राम, उत्तर दिशा मे श्मशान, दक्षिण मे दशरंगपुर ग्राम (खार) तक क्षेत्र ल कंटेनमेंट जोन घोषित कर दिये गे हे। कंटेनमेंट जोन के अंतर्गत सब्बो दुकान अव आन वाणिज्यिक प्रतिष्ठान ल आगामी आदेश पर्यन्त तक बंद करे के निर्देश दिये हैं। ओमन के कहना हे कि कंटेनमेंट जोन मे प्रभारी अधिकारी द्वारा घर पहुॅच सेवा के माध्यम से आवश्यक वस्तु के आपूर्ति उचित दर म करेे जही। सब्बो प्रकार के वाहन के आवागमन म पूर्ण प्रतिबंधन रही। मेडिकल इमरजंसी ल छोड़ कर के आन कोनो भी कारण से घर से बाहर निकले म प्रतिबंध रही। स्वास्थ्य विभाग के मानक के अनुरूप व्यवस्था बर पुलिस पेट्रोलिंग सुनिश्चित करे औव ग्राम रामपुर ल सेनेटाइज करे के लिये नगर पालिका मुंगेली के मुख्य नगर पालिका अधिकारी ल निर्देश दिये हवयं ।
मुंगेली ले दिलीप बसंत
