- राजीव गांधी किसान न्याय योजना ले जिला के 3 हजार 259 कृषक होही लाभान्वित
- पहली किश्त के रूप म एक करोड़ 90 लाख 74 हजार रूपिया किसान मन के बैंक खाता म हस्तांतरित
दंतेवाड़ा, 21 मई 2020। देश के पूर्व प्रधानमंत्री भारत रत्न स्वर्गीय राजीव गांधी के पुण्यतिथि के अवसर म प्रदेश के मुख्यमंत्री श्री भूपेश बघेल ह राजधानी रायपुर म वीडियो कांफ्रेंसिंग के जरिये किसान मन बर पूरा राज्य म राजीव गांधी किसान न्याय योजना के शुभारंभ करिस। ये मौका म सांसद श्रीमती सोनिया गांधी अऊ सांसद श्री राहुल गांधी घलोक वीडियो कांफ्रेंसिंग के जरिये दिल्ली ले जुड़े रहिन। प्रदेश के किसान मन के हित के ये महत्वाकांक्षी योजना ले जिला के 3 हजार 259 किसान लाभान्वित होही। जानबा हे के खेती-किसानी म बहुत निवेश अऊ काश्त लागत म राहत देहे बर राज्य शासन कोति ले कृषि आदान सहायता बर राजीव गांधी किसान न्याय योजना के शुरुआत करे गए हे।
