- किसान मन ह बताइस के आज बहुत खुशी के बेरा ये, कोरोना के ये कठिन बेरा म घलोक शासन किसान मन के संग खड़े हे ये देखके बहुत अच्छा लागत हे
- धमधा के किसान मन ले वीडियो कांफ्रेंसिंग ले कनेक्ट होइन मुख्यमंत्री
दुर्ग, 21 मई 2020। पूर्व प्रधानमंत्री श्री राजीव गांधी के शहादत दिवस के अवसर म श्रीमती सोनिया गांधी अऊ श्री राहुल गांधी के विशेष उपस्थिति म मुख्यमंत्री श्री भूपेश बघेल ह अपन मंत्रिमंडल के सहयोगी मन के संग छत्तीसगढ़ के किसान मन बर राजीव गांधी किसान न्याय योजना के शुभारंभ करिन। ये बेरा म मुख्यमंत्री ह धमधा के किसान मन के संग विशेष रूप ले वीडियो कांफ्रेंसिंग के माध्यम ले चर्चा करिन। मुख्यमंत्री ले चर्चा म किसान संतोष राणा ह बताइस के अभी आपसे बात करे के थोकन देर पहिली मोर मोबाइल म मैसेज आइस के मोर खाता म 34 हजार रुपए आए हे। अइसन समय म जब देश भर म सबो मनखे कोरोना संकट ले परेशान हे। मुख्यमंत्री के ये पहल ले किसान मन ल खेती किसानी म बड़ मदद मिलही। श्री राणा ह कहिस के मुख्यमंत्री श्री भूपेश बघेल के नेतृत्व म छत्तीसगढ़ सरकार ह किसान हितैषी ये योजना ल सुरू करके किसान मन के हित ल बढ़ावा देहे के बड़का काम करे हे। किसान मन बर खेती अतका महंगी होत जात हे अऊ फायदा नइ हो पावत हे। अब अन्नदाता ल अपन काम के संतोष मिल सकही।
