क्वारंटाईन सेन्टर मन म स्व-सहायता समूह मन के महिला मन करत हें जरूरी सामान के पूर्ति के संग सहायता

बेमेतरा, 30 मई 2020। कोरोना वायरस के संक्रमण के सेती लॉकडाउन ले प्रभावित जरूरतमंद, मजदूर मन के सहायता बर हर एक सक्षम मनखे, समाज, संगठन अऊ स्वयंसेवी संस्था मुख्यमंत्री सहायता कोष म राशि जमा करावत हे। बेमेतरा जिला म बिहान के तहत गठित स्व-सहायता समूह के महिला मन ह क्वारंटाईन सेन्टरों म अब सूखा राशन, भोजन व्यवस्था, पौष्टिक किट, दोना-पत्तल, साबुन, फिनाईल, सेनेटरी पैड, मास्क आदि के पूर्ति करत हें। ए समूह मन कुल 19 लाख 28 हजार 940 रूपिया के बिक्री कर डरे हें। क्वारंटाईन सेन्टर मन बर स्व-सहायता समूह मन कोति ले सब्जी-भाजी, दुध, सुखा राशन आदि निःशुल्क घलोक दे जात हे। महिला स्व-सहायता समूह मन अमलीडीह कंटेटमेंट जोन म 18 हजार 500 सहायता राशि घलोक क्वारंटाईन सेन्टर मन बर देहे हे।