बेमेतरा, 30 मई 2020। राज्य शासन कोति ले लॉकडाउन के सेत ी वापस आए श्रमिक मन ल कोरोना वायरस ले सुरक्षा के दृष्टि ले 14 दिन तक क्वारंटाईन सेंटर मन म रहे के व्यवस्था करे गए हे। ए प्रवासी श्रमिक मन बर सबो सेंटर मन म सुग्घर इंतजाम करे गए हे। बेमेतरा जिला म आन राज्य मन ले अवइया 25 हजार 505 प्रवासी मजदूर जिला के एक हजार 26 क्वारंटाईन सेन्टर मन म रूके हें। ए प्रवासी मजदूर मन के स्वास्थ्य जांच, खान-पान के अकतहा अउर मनोरंजन के व्यवस्था करे जात हे। 14 दिन के क्वारंटाईन काल म मजदूर मन के मानसिक तनाव ल कम करे बर योग, खेल गतिविध अउर सांस्कृतिक कार्यक्रम मन के आयेजन घलोक करे जात हे। क्वारंटाईन सेंटर मन म पौधारोपण, पुस्तक पाठन, निरक्षर महिला अउ लइका मन ल पढ़ना-लिखना सिखाए जात हे।
जिला म ग्राम पंचायत कोति ले क्वारंटाईन सेन्टर मन म पुस्तक मैग्जीन के व्यवस्था करे गए हे। पौधारोपण करके गांव मन ल हराभरा करे बर प्रेरित करे जात हे। क्वारेंटाइन सेंटर ले जाय के बाद सबो प्रवासी मजदूर मन ल अपन घर म पौधारोपण करे बर प्रेरित करके वन-धन के महत्ता ले अवगत कराए जात हे। इही कड़ी म ग्राम मटका के क्वारंटाईन सेन्टर म नीम, आम, अशोक, अमरूद आदि वृक्षारोपण करे गए हे।
