- राज्य म 90 प्रतिशत एमएसएमई सेक्टर म काम चालू होए म जताइन आभार
रायपुर, 03 जून 2020। मुख्यमंत्री श्री भूपेश बघेल ले परन दिन संझा ऊंखर निवास कार्यालय म श्री अटल श्रीवास्तव के सियानी म आए बिलासपुर के औद्योगिक संगठन के प्रतिनिधिमंडल ह सौजन्य मुलाकात करिस। प्रतिनिधिमण्डल म बिलासपुर के जिला उद्योग संघ अऊ द फेडेरेशन ऑफ राइस मिलर्स के पदाधिकारी सामिल रहिन। ये मुलाकात म उद्यमी मन ह राज्य म 90 प्रतिशत एमएसएमई सेक्टर म काम चालू होए अउ औसतन 60 प्रतिशत उत्पादन चालू होए म मुख्यमंत्री के आभार जताइन अऊ राज्य म कोरोना के नियंत्रण अउ बचाव बर सरकार कोति ले करे जात काम मन ल सहराइन। प्रतिनिधिमंडल ह छत्तीसगढ़ के उद्योग मन के समस्या ले मुख्यमंत्री ल अवगत कराइन। श्री बघेल ह समस्या मन के निराकरण बर सबो जरूरी कदम उठाए के आश्वासन उद्यमी मन ल दीन। ये बेरा म श्री रामावतार अग्रवाल, श्री हरीश केडिया, श्री अरविंद गर्ग, श्री अभिषेक सुल्तानिया संग आन पदाधिकारी उपस्थित रहिन।
