अखिल भारतीय आयुर्विज्ञान संस्थान ले आज 15 मरीज के डिस्चार्ज
मुंगेली 04 जून 2020// अखिल भारतीय आयुर्विज्ञान संस्थान रायपुर म बेहतर ईलाज के फलस्वरूप मुंगेली जिला के 15 कोरोना पाॅजिटिव मरीज आज अउ स्वस्थ हो गे हे। 
अखिल भारतीय आयुर्विज्ञान संस्थान एम्स रायपुर म ईलाज के बाद ठीक होय ले ओमन ल छुट्टी मिल गे हे । एला मिलाके जिला म कोरोना पाॅजिटिव 55 मरीज स्वस्थ हो गे हे। मुख्य चिकित्सा एवं स्वास्थ्य अधिकारी डाॅ. महादेव तेदवें ह बताइन कि डिस्चार्ज होय मरीज प्रवासी श्रमिक हावयं। गांव म स्थित क्वारेंटाइन सेंटर म ठहरे रहिंन। एही दौरान ऊंखर सेम्पल लेके जांच कराय जाय ले कोरोना पाॅजिटिव पाय गे रहिस। एन मरीज ल एम्स रायपुर म भर्ती कराके ईलाज करे गिस । दस-बारह दिन के सघन ईलाज म मरीज ठीक अउ स्वस्थ हो गे हें।
