रायपुर, 9 जून 2020/ मुख्यमंत्री श्री भूपेश बघेल ह राज्य म कार्यरत सबो शासकीय अधिकारी-कर्मचारी मन ले अपील करे हें के कोरोना महामारी के ए संकट म जरूरतमंद अऊ पीड़ित मन के सहायता बर पहिली जइसे अभी घलोक सहयोग राशि प्रदान करव। श्री बघेल ह अधिकारी-कर्मचारी मन ल धन्यवाद देवत कहे हें के मुख्यमंत्री सहायता कोष म आपके देहे सहयोग राशि ले ए संकटकाल म जरूरतमंद मन ल अड़बड़ राहत मिले हे। उमन सबो ले फेर अपील करे हें के संकट के ए घड़ी म दैनिक वेतनभोगी मजदूर, जरूरतमंद अऊ पीड़ित मन के मदद बर आगू आके पहिली जइसे मुख्यमंत्री सहायता कोष म अऊ सहयोग राशि प्रदान करव।
मुख्यमंत्री ह एखर संगेच सामाजिक अऊ स्वयं सेवी संगठन, औद्योगिक अऊ व्यापारिक प्रतिष्ठान मन संग आमजन ले घलोक आगू आके जरूरतमंद मन के मदद करे के अपील करे हें। मुख्यमंत्री सहायता कोष बर भारतीय स्टेट बैंक के खाता नंबर 30198873179, IFSC CODE: SBIN0004286 म ये सहयोग राशि जमा करे जा सकत हे। एखर संगेच यूपीआई आईडी- cgcmrelieffund@sbi म आॅनलाइन घलोक सहयोग राशि जमा करे जा सकत हे।
