प्रवासी खाद्य मित्र एप्प जारी: छत्‍तीसगढ़ भर नहीं आन राज्‍य के श्रमिक मन ल घलव मुफ्त म मिलही दू महिना के राशन

रायपुर, 10 जून 2020/ मुख्यमंत्री श्री भूपेश बघेल के निर्देशन म देश के आन राज्य मन ले वापस आए अइसन श्रमिक अउ मनखे मन ल जिंकर तिर कोनो योजना के राशनकार्ड नइ हे, ओ मन ल घलोक मई अउ जून महिना म प्रति सदस्य 5 किलो खाद्यान्न अऊ एक किलो चना प्रति कुटुंब प्रति महिना निःशुल्क देहे जाही। एखर पंजीयन बर खाद्य विभाग ह ’प्रवासी खाद्य मित्र’ एप्प जारी करे हे।

प्रवासी श्रमिक अउ आन मनखे ल निःशुल्क खाद्यान्न प्राप्त करे बर एंड्राइड मोबाईल ले गूगल प्ले स्टोर के माध्यम ले एप्प https://play.google.com/store/apps/details?id=com.nic.cgcitizen ल डाउनलोड करके सरलता पूर्वक अपन अउ अपन कुटुंब के सदस्य मन के पंजीयन करा सकत हें। एखर अलावा खाद्य, नागरिक आपूर्ति अउर उपभोक्ता संरक्षण विभाग के जनभागीदारी वेबसाईड https://khadya.cg.nic.in/citizen/citizenhome.aspx म घलोक ऑनलाईन पंजीयन के प्रावधान करे गए हे। प्रवासी श्रमिक वेबसाईट के माध्यम ले घलोक पंजीयन कर सकत हें या जिला प्रशासन मेर करा सकत हें।